Күн астында серуендеуден, ашық аспан астында жұмыс істеп, жаттығу жасаудан аулақ болу сұралады.
4 шілдеде Алматыда сынап бағаны 36 градусқа дейін көтерілетіні болжанады. Осыған байланысты Алматы қалалық ТЖД мамандары ескерту жасады, деп хабарлайды Almaty-akshamy.kz.
Қала тұрғындары мен қонақтарынан күн астында серуендеуден, ашық аспан астында жұмыс істеп, жаттығу жасаудан аулақ болу сұралады. Сондай-ақ, құтқарушылар дәрігердің ұсыныстарын орындап, тағайындалған дәрі-дәрмектерді уақтылы қабылдау керектігін еске салады.
Аптап ыстық жүрек-қан тамырлары ауруларынан, артериялық гипертониядан зардап шегетіндер үшін, сондай-ақ инфаркт пен инсульт алу қаупі бар адамдар үшін өте қауіпті.