Қазақстанда 2024 жылдың І тоқсанында стоматологиялық қызметтерден түскен табыс 40 млрд теңгеге жетті. Бұл өткен жылмен салыстырғанда 31%-ға артық және соңғы екі жылдағы ең жоғары көрсеткіш болып табылады, деп хабарлайды аlmaty-akshamy.kz.
2021 жылы халыққа зейнетақы жинақтарын алуға рұқсат берілгеннен кейін, бұл қаражаттың бір бөлігі медициналық қызметтерге, оның ішінде стоматологиялық қызметтерге бағытталды. Алғашқы уақытта бұл нарыққа айтарлықтай әсер етпегенімен, жеткіліктілік шегі көтерілер алдында сұраныс күрт артты. Соның нәтижесінде 2022 жылдың І тоқсанында тіс дәрігерлерінің табысы 65,2 млрд теңгеге жетті.
Тіс дәрігерлерінің табысының тұрақты өсуі стоматологиялық қызметтердің бағасының жылдам көтерілуімен де түсіндіріледі. 2023 жылы бұл қызметтердің бағасы 11,4%-ға қымбаттады, бұл жалпы инфляциядан 1,6 пайыздық пунктке жоғары.
Айта кету керек, мемлекет халыққа стоматологиялық қызметтерді төлеуге сирек көмектеседі. Оның жалпы шығындардағы үлесі небәрі 9% немесе 3,5 млрд теңгені құрайды.