Қожа Ахмет Яссауи атындағы №123 мектеп-гимназиясында 16-20 қыркүйек аралығында «Тілім менің – тірлігімнің айғағы!» атты апталық іс-шара өткізілді. Бұл іс-шараға 1-4 сынып оқушылары, мектеп кітапханашылары, пән мұғалімдері және сынып жетекшілері белсене қатысты.
Апталықтың алғашқы күні, 16 қыркүйекте, іс-шараның ашылуы электронды түрде өтті. Ал 17 қыркүйек күні 2-сынып оқушылары арасында «Менің сүйікті кітабым» атты сайыс ұйымдастырылды. Бұл сайыста оқушылар өздерінің оқыған кітаптарын қызықты түрде таныстырып, достарына жарнама жасады. Нәтижесінде 2 «А» сынып оқушысы Еркежан Еркімбне 1-орын, 2 «В» сынып оқушысы Өнерқан Ералы 2-орын, 2 «Г» сынып оқушысы Зиятқызы Раяна 3-орын иеленіп, мақтау қағаздарымен марапатталды.
18 қыркүйекте 4 «А» және 4 «З» сыныптарында ашық сабақтар өтті. Самал Жасарқызы жетекшілік ететін 4 «А» сыныбында оқушыларға тіл мәртебесі мен ұлттық құндылықтар туралы түсіндіру жұмыстары жүргізілді. Ал Байтуова Гүлбайра жетекшілік ететін 4 «З» сыныбына жас мамандар қатысып, ұстаздың тың әдістерімен танысты.
19 қыркүйек күні 3-сыныптар арасында «Жүзден жүйрік» атты зияткерлік сайыс өткізілді. Үш кезеңнен тұратын сайыс қорытындысы бойынша 3 «Д» сынып оқушысы Кеңесбай Каусар 1-орын, 3 «Б» сынып оқушысы Сариев Аслан 2-орын, 3 «Ғ» сынып оқушысы Азымқұл Ясина 3-орын иеленді.
20 қыркүйекте 4-сынып оқушылары арасында «Өзге тілдің бәрін біл...» атты интеллектуалдық сайыс өтті. Бұл сайыста оқушылар қазақ, орыс және ағылшын тілдерінде тапсырмалар орындап, үш тілді меңгеру деңгейін көрсетті. Нәтижесінде, 4 «Ә» сынып оқушысы Бейсен Ақерке 1-орын, 4 «Е» сынып оқушысы Рысқожа Асылхан 2-орын, 4 «Б» сынып оқушысы Рысменді Нұрлан 3-орын алып, мақтау қағаздарымен марапатталды.
