Аустралияның Сидней қаласында Crown Sydney казиносында алаяқтық жасады деген күдікпен қазақстандық ерлі-зайыпты ұсталды, - деп хабарлайды Aqshamnews.kz.
Полицияның мәліметінше, олар жасырын құрылғыларды пайдаланып, шамамен 1,18 млн доллар ұтып алған. Бұл туралы ұлыбританиялық The Guardian басылымының хабарлаған.
Қауіпсіздік қызметі күдікке іліккендерді әйел адамның жейдесінен мини-камера байқалғаннан кейін әшкерелеген. Сонымен қатар, олардың сөмкелерінен жасырын түсірілімге арналған арнайы қондырғылары бар телефондар, магнит зондтар және басқа да құрылғылар табылған.
Тергеу болжамы бойынша, ерлі-зайыпты карта үстелін жасырын камерамен түсіріп, ақпаратты құпия құлаққап арқылы алып отырған.
Сот шешімімен олар қамауда қалды. Ер адамға қатысты іс 11 желтоқсанда, ал әйелінің тыңдалымы ақпанда белгіленген.
