Террор – алуан түрлі кейіпте көрініс беретін, халықаралық ауқымда қатер төндіретін аса қауіпті және алдын ала болжауы қиынға соғатын күрделі құбылыстардың біріне айналып бара жатқаны жасырын емес.
Уақыт өткен сайын террорлық әрекеттердің де түрлері көбейе түсуде, деп хабарлайды aqshamnews.kz.
Сарапшылардың пікірінше, террор негізінен әлеуметтік мәселелерден басталатын жанжалдардан, ұлтаралық және діни шиеленістерден, есірткі трафигі мен ұйымдасқан қыл-мыстардан, заңсыз қару-жарақ саудасынан туындайды. Сонымен қатар, адам құқықтарының сақталмауы, кедейшілік, тағы басқа да проблемалар террорлық идеологияның тара¬луына қолайлы жағдай туғызады. Қазақстан басшылығының дінаралық, кон¬фессияаралық және этносаралық қатынастарда жүргізіп келе жатқан салмақты да салиқалы саясатының нәтижесінде елімізде терроршылдықтың жайылуына түрткі болатындай ішкі алғышарттар жоқ. Дегенмен, қазіргі кезде өзге мемлекеттермен қатар, Қазақстан үшін де терроршылдықтан төнетін қатердің өзектілігі күн тәртібінен түспек емес. Халықаралық қоғамдастық пен өңірлердегі саяси-экономикалық және әлеуметтік мәселелердің өзара тәуелділігінен туындап жатқан терроршылдықтың жаһандану үрдісін назарға алатын болсақ, бұл қауіп-қатерлер нақты және шынайы түрде көрініс табатыны байқалады. Сондықтан ұдайы террорлық әрекеттердің алдын алу бағытында жұмыстар жүргізілуі керек.