Әлемде терроризм әлі де өзекті қауіп болып қалып отыр. 2026 жылғы жаһандық терроризм индексі кейінгі жылдары бұл құбылыстың сипаты өзгеріп, жаңа аймақтар мен әдістердің алға шыққанын көрсетті, – деп хабарлайды aqshamnews.kz тілшісі.
Сарапшылардың дерегінше, 2025 жылы әлем бойынша 2,9 мыңнан астам террористік оқиға тіркеліп, олардың салдарынан 5,5 мыңнан аса адам қаза тапқан.
Зерттеу нәтижесі терроризмнің географиясы өзгергенін көрсетеді. Қазіргі таңда негізгі қауіп Африкадағы Сахель аймағында шоғырланған. Бұл өңірде әлемдегі террорлық шабуылдардан болған өлім-жітімнің жартысынан астамы тіркелген.
Сарапшылар сондай-ақ террористік ұйымдардың тактикасы да өзгергенін атап өтті. Соңғы жылдары ірі шабуылдардан гөрі, жалғыз әрекет ететін адамдардың (так называемые “lone wolf”) шабуылдары көбейген. Мұндай әрекеттерді алдын ала анықтау әлдеқайда қиын.
Бұған қоса, Батыс елдерінде де террористік қауіп қайта күшейген. Кейбір мемлекеттерде соңғы жылдары шабуылдар саны күрт артқаны байқалады.
Ал Орталық Азия елдері, оның ішінде Қазақстан, терроризм деңгейі төмен мемлекеттердің қатарында қалып отыр. Бұған дейінгі есептерде елімізде терроризм ықпалы нөлдік деңгейде бағаланған.
Мамандардың айтуынша, терроризм көбіне қарулы қақтығыстар жүріп жатқан аймақтарда белсенді таралады. Сондықтан қауіпсіздік пен тұрақтылықты сақтау бұл қатермен күрестегі басты фактор болып қала береді.