Бүгінде терроризм әлем елдері үшін басты қатерлердің бірі болып отыр. Қазақстан да бұл қауіппен күресу үшін алдын алу шараларын жүргізуде.
Aqshamnews.kz терроризмге қарсы күрес тек мемлекеттің ғана емес, әр азаматтың да ортақ міндеті екенін ұмытпаған жөн екенін еске салады.
Ендеше, қарапайым азамат ретінде не білуіміз керек?
Күдікті белгілерді таныңыз
Күнделікті өмірде кейбір жағдайлар ерекше назар аударуды талап етеді. Мысалы:
• Қоғамдық орында иесіз қалған сөмке, қорап немесе басқа да заттар;
• Ғимаратты, көлікті немесе адамдарды ұзақ бақылайтын бейтаныс адам;
• Белгісіз құрылғылар, сымдар немесе ерекше иіс;
• Күдікті әрекет — асығыс жүріс, көзден таса болуға тырысу.
Егер осындай белгілерді байқасаңыз — затқа жақындамаңыз және дереу 102 немесе 112 нөміріне хабарласыңыз.
Ақпаратқа абай болыңыз
Террористік ұйымдар өз насихатын тарату үшін интернет пен әлеуметтік желілерді жиі пайдаланады. Сол себепті:
• Бейтаныс адамдардан келген сілтемелерге өтпеңіз;
• Шын-өтірігі белгісіз ақпаратты таратпаңыз;
• Күмәнді топтар мен арналарына жазылмаңыз;
• Балаларыңыздың интернеттегі әрекеттеріне бақылау жасаңыз.
Қауіпсіздік ережелерін есте сақтаңыз
Сауда орталығы, вокзал, театр сияқты халық көп жиналатын жерлерде қауіпсіздік белгілері мен эвакуациялық жолдарға назар аударыңыз. Төтенше жағдай болған кезде:
• Сабыр сақтап, дүрлікпеңіз;
• Жақындарыңызды қауіпсіз жерге алып шығыңыз;
• Арнайы қызметтердің нұсқауын бұлжытпай орындаңыз;
• Фото немесе видео түсіруге емес, қауіпсіздікке мән беріңіз.
Есте сақтаңыз!
Кез келген күмәнді жағдайды байқасаңыз — 102 немесе 112 нөміріне дереу хабарласыңыз.
Сіздің қырағылығыңыз — өзіңіз бен айналаңыздағы адамдардың қауіпсіздігін қамтамасыз етудің маңызды қадам