18 жастағы қазақстандық теннисші Әмір Омарханов мансабындағы ең маңызды жетістіктерінің біріне қол жеткізді, - деп хабарлайды aqshamnews.kz тілшісі.
Ол Тунисте өткен ITF M15 санатындағы турнирде топ жарды.
Финалда Әмір өзімен құрдас неміс спортшысы Макс Шонхаусты (ATP рейтингінде №824) 6:3, 3:6, 6:4 есебімен жеңді. Қазақстандық спортшы жүлдеге қол жеткізу үшін турнирдің екінші, алтыншы, жетінші және сегізінші ракеткаларын ұтты.
Айта кетейік, Шонхаус - ITF Juniors бойынша әлемнің екінші ракеткасы және өткен аптада Тунистегі ITF M25 санатындағы турнирдің чемпионы атанған болатын.
Бұл - Омархановтың кәсіби мансабындағы алғашқы жеке титулы.
