Алматылық «Қайрат» клубының қақпашысы Темірлан Анарбеков қатарға қосылды.
«Ақтөбемен» болған ойында жақ сүйегін сындырып алған «Қайрат» қақпашысы топтық жаттығуларға қайта оралды, - деп хабарлайды Aqshamnews.kz.
Бұған дейін Рафаэль Уразбахтин Александр Заруцкийдің де командамен бірге жаттығып жүргенін хабарлаған еді.
Еске сала кетейік, тамыз айында Шотландияның Глазго қаласында өткен «Селтикке» қарсы ойында Александр Заруцкий алған жарақатына байланысты алаңнан кетуге мәжбүр болды. Оны 21 жастағы Темірлан Анарбеков ауыстырды.
Кейін қыркүйек айында «Қайрат» пен «Ақтөбеге» арасындағы ойында Темірлан Анарбековтың өзі жарақат алып, ойынға 18 жастағы Шерхан Қалмұрза шыққан еді.
Алматылық клуб келесі ойынын 17 қазанда «Қызылжарға» қарсы өткізеді. Төрт күннен кейін Чемпиондар лигасында «Пафоспен» ойнайды.
