"Пандемия "омикронмен" аяқталмайды" дейді ДДСҰ Бас хатшысы Тедрос Адханом Гебрейесус
Бұл штамнан кейін де коронавирустың жаңа мутациялары шығады. Дүниежүзілік денсаулық сақтау ұйымы осылай деп ескертті, деп хабарлайды almaty-akshamy.kz
Бірлестік басшысы "індет бүгін-ертең жойылмайды, сондықтан босаңсуға мүлде болмайды" деп мәлімдеген. Айтуынша, "омикронға" шалдыққан науқастардың ауруы орташа алғанда жеңіл өтеді, алайда дұрыс емделмесе, мұның соңы өліммен аяқталуы мүмкін. Өткен аптада ғана 18 миллионнан астам адам ковид жұқтырған.
- "Омикрон" әлемді шарлап жүр. Өлім-жітім деңгейі әзірге тұрақты. Бірақ "омикрон" онсыз да қалжырап жүрген медицина қызметкерлерін әбден діңкелетті. Кейбір елдерде жұқтырушылар саны азайып жатуы мүмкін, алайда ешбір мемлекет қауіптен біржола құтылдық деп атүсті ойға берілмесін, - дейді ДДСҰ Бас хатшысы Тедрос Адханом Гебрейесус.