Аталмыш шара барлық 14 ерекше қорғалатын табиғи аумақтарда ауа-райына байланысты 27 наурыз және 24 сәуірде өткізіледі.
27 наурызда «Көлсай көлдері», «Іле-Алатауы», «Шарын», «Алтын Емел», «Жоңғар Алатауы», «Сайрам-Өгем» ұлттық парктерінің, «Қаратау», «Үстірт», «Алматы», «Алакөл», «Барсакелмес», «Ақсу-Жабағылы» қорықтарының және «Іле-Балқаш», «Ақжайық», «Ырғыз-Торғай» резерваты өкілдері, жергілікті халық, еріктілермен бірлесіп 18 тоннадан астам қоқыс жинады, деп хабарлайды aqshamnews.kz.
Бұл құрғаған бұталар, қыс мезгілінен кейін құлаған ағаштар, тұрмыстық қалдықтар, түскен жапырақтар мен балшық шөгінділері. Іс-шараға 800-ден астам адам қатысты.
Мұндай акциялар бірегей экожүйелерді сақтауға және қоршаған ортаның ластануын болдырмауға бағытталған. Естеріңізге сала кетейік, «Таза аймақ» акциясы «Таза Қазақстан» экологиялық мәдениетін дамыту тұжырымдамасы аясында жүзеге асырылды.
Экология министрлігі барлық қазақстандықтарды экологиялық бастамаларға белсенді түрде қатысуға және қоршаған ортаны қорғауға өз үлестерін қосуға шақырады.