«Қазгидромет» болжамына сәйкес, Қазақстанның басым бөлігінде атмосфералық фронттардың әсерінен тұрақсыз ауа райы сақталады.
Оңтүстік және оңтүстік-шығыс аймақтарда найзағай болуы мүмкін. Сонымен қатар, батыс, солтүстік және орталық өңірлерде антициклонның әсерінен құрғақ және ашық ауа райы күтіледі.
Ел бойынша жел күшеюі ықтимал. Солтүстік-батыс, солтүстік, орталық, шығыс және оңтүстік-шығыстағы таулы аудандарда түнгі және таңғы уақытта тұман түсуі мүмкін, бұл жолдағы көрінуді қиындатып, қозғалысқа кедергі келтіруі ықтимал.
▪️ Астанада ашық, жауын-шашынсыз, түнде температура +6–8 °C, күндіз +20–22 °C.
▪️ Алматыда күн ала бұлтты, жауын-шашынсыз, түнде температура +15–17 °C, күндіз +25–27 °C.
▪️ Шымкентте күн ала бұлтты, жауын-шашынсыз, түнде температура +13–15 °C, күндіз +27–29 °C.