Алматы қаласының Ақсақалдар кеңесі төрағасының орынбасары Болат Оспанов:
– 16 желтоқсан – егеменді мемлекетіміздің өміріндегі маңызды күндердің бірі. Бұл күн ата-бабаларымыздың еркін, тәуелсіз мемлекет құру туралы асыл арманының жүзеге асқанын бейнелейді.
Әрбір қазақстандық үшін бұл мереке – өткен және болашақ жетістіктеріміздің бір бөлшегі болу, қазіргі және келешек ұрпақтың игілігі үшін жақсырақ еңбек етуге немесе оқуға дайындықты білдіреді.
Мемлекеттің тәуелсіздігі бізге бұған дейінгі жетістіктерімізді сақтап, арттыра түсу, елдің экономикалық және қорғаныс қабілетін нығайту үшін жаңа белестерді бағындыру міндетін жүктейді. Елдің дамуы мен халықтың әл-ауқатын сақтап қалу – әрқайсымыздың ортақ парызымыз.