Қазақстан – көзімнің қарашығы! Тәуелсіздік – ең асыл мұратымыз, ұлттық намысымыздың, азаттыққа деген ұмтылысымыздың нәтижесі. Осы қасиетті ұғымның қадірін біліп, еліміздің еркіндігі үшін аянбай еңбек ету – әрқайсымыздың борышымыз.
Тәуелсіздік бізге оңай келген жоқ. Әрбір қазақтың жүрегінде ел мен жерге деген махаббат, ата-бабадан қалған аманат бар. Біз сол аманатқа адал болып, келер ұрпаққа береке-бірлікті, бейбіт елді, көркейген Қазақстанды қалдыруға тиіспіз.
Тәуелсіздігіміз жасасын! Қазақ елі мәңгі жасай берсін!