Ол ресейлік Адам Сангариевтен басым түсті, деп хабарлайды aqshamnews.kz тілшісі.
Дзюдодан Қазақстан құрамасының өкілі Марат Байқамұров (100 кг) Біріккен Араб Әмірліктерінің Абу-Даби қаласында өткен Grand Slam турнирінде қола медаль жеңіп алды.
Отандасымыз үшінші орын үшін өткен белдесуде ресейлік Адам Сангариевтен басым түсті.
Марат жарысты сәтті бастап, Франция мен Кипр спортшыларын жеңді. Ширек финалда ресейлік Идар Бифовқа есе жібергенімен, жұбаныш белдесуінде америкалық Даниэль Любимовскиді жеңіп, жүлдеге таласты жалғастырды.
Осылайша, Қазақстан құрамасы Абу-Дабидегі Grand Slam турнирін екі қола медальмен аяқтады. Бұған дейін Талғат Орынбасар (60 кг) да қола жүлдеге ие болған еді.