Сіздерді Қазақстанның ең ұлы, ең қастерлі мерекесі – Тәуелсіздік күнімен шын жүректен құттықтаймын! Тәуелсіздік – халқымыздың еркіндікке деген асқақ арманы мен ғасырлар бойғы күресінің жемісі. Бүгінде Қазақстан – бірлік пен бейбітшіліктің мекені, көптеген ұлттар мен ұлыстарды бір шаңырақ астына біріктірген ынтымақты ел.
Тәуелсіздік – барлығымыз үшін қасиетті құндылық. Оны сақтау, нығайту – ортақ міндетіміз. Қазақстан халқы Ассамблеясының басты мақсаты да – ұлтаралық татулық пен келісімді нығайту. Бұл бағытта әрқайсымыздың еңбегіміз маңызды.
Біздің елде тұратын күрд диаспорасы да осы игі іске үлес қосып келеді. Еліміздегі тұрақтылық пен гүлдену – әрбір азаматтың қажырлы еңбегінің нәтижесі. Біз Қазақстанды ортақ үйіміз деп санаймыз және оның болашағы үшін аянбай еңбек етеміз.
Баршаңызға зор денсаулық, отбасыларыңызға береке, бірлігімізге бекемдік, мемлекетімізге тұрақтылық пен өркендеу тілеймін! Тәуелсіздігіміздің тұғыры әрдайым биік болсын!