Алматыдағы 28 Панфиловшылар паркінде М.Есболатов атындағы ҚР Ішкі істер академиясының оқуға қабылданған курсанттарының ант қабылдау рәсімі өтті. Академия курсанттарының бірінші жауапты іс-шарасына академия басшылығынан бастап, ішкі істер саласының ардагерлері, генералдар, курсанттардың туыстары, шетелдік қонақтар келіпті. 28 панфиловшылар паркіне келғен халық көп болды. Ант қабылдауға келген курсанттардың бойынан алғашқы күннен бастап тәртіп пен жауапкершілік сезіліп тұрды. Елдің тәртіп пен қауіпсіздігіне жауапты болатын жаңа буыннан академия басшылығы саланың ардагерлері, генералдар ант қабылдады.
Іс-шараға шетелдік қонақтар да келіпті. Жер-жерден келген ата-аналар болса ұл-қыздарының азамат болуының алғашқы қадамдарының куәсі болды.
Шырынкүл БАЙЖҰМАНОВА, Алматы облысы Ұйғыр ауданын тұрғыны, курсанттың әжесі:
- Бүгін менің немере қызым Ақбота Қуаныш ант қабылдап жатыр. Біздің бір «тақым қысқан» сәтіміз. Осы саланы таңдаған ботама болашақта мемлекеттің мықты маманы болады деп сенім артып отырмыз. Еліміздің тәртібі мен қауіпсіздігіне жауапты болатын мамандар жақсы білім алып, ішкі тәртіптің үлгісін көрсетсе болды. Балапанымды бір аллаға, оқытушыларына тапсырдым.
Шырынкүл әженің айтқанын осы іс-шараға келген барлық ата-ананың сөзі деп қабылдадық. Ант қабылдау рәсімі жоғарғы деңгейде, тәртіппен өтті. Біз болсақ қолбасшы Б.Момышұлы айтқандай «Тәртіпке бағынған құл болмайтын» елдің болашағын көрдік. Жас буынның болашағы жарқын болсын.