Сенат депутаттары қаулыны бірауыздан қолдап, дауыс берді.
Ішкі істер вице-министрі Марат Қожаевтың айтуынша, тарихи, мәдени ескерткіштерді бүлдіргендерге 200 айлық есептік көрсеткіш бойынша айыппұл салынады, деп хабарлайды Almaty-akshamy.kz
"Вандализммен жазаға тартылғандарға бұрын 100 айлық есептік көрсеткіш (АЕК) бойынша айыппұл салынатын. Енді бұл 200 АЕК-ге көтерілді. Әкімшілік жаза ретінде құқық бұзушыны бұрын 40 тәулікке қамасақ, қазір 50 тәулікке қамау жазасын қолданамыз. Егер бірнеше адам болып заң бұзса 3 жылға дейін бас бостандығынан айыруды жөн көріп отырмыз. Қайталанса, ең ұзақ жаза қолданылады", - деді Қожаев.