Кэти Перридің АҚШ-тағы Сан-Франциско қаласында өткен "Lifetimes" туры кезінде реквизитінен ақау шықты. Әнші биіктен тыңдармандарына құлап кете жаздады, - деп хабарлайды aqshamnews.kz тілшісі People-ға сілтеме жасап.
Әлеуметтік желілерде тараған видеода Перри "Roar" әнін орындап жатқан сәт көрсетілген. Әнші көбелек бейнесіндегі құрылғының үстіне мініп, әуеге көтерілген. Алайда құрылғы кенет істен шығып, Кэти тыңдармандарына қарай құлап кете жаздады. Құрылғы қисайып кеткен кезде ол отырғыштан сырғанап, әнді жарты жолда тоқтатуға мәжбүр болды.
Әнші тірекке жармасып қалуға тырысты. Кейін қолын көтеріп, өзінің дін аман екенін білдірді де, әнін жалғастырды. Кейін көбелек қайтадан қозғала бастаған.