Тамызда Қазақстан тұрғындары Конституция күніне орай қосымша бір күн демалады. Бұдан басқа жаздың соңғы айында қандай мерекелер бар? Толығырақ aqshamnews.kz материалында.
Конституция күні – Қазақстандағы маңызды мемлекеттік мерекелердің бірі. Бұл күні ел 1995 жылы қабылданған, мемлекеттің құқықтық және саяси негіздерін айқындайтын басты заңның қабылдануын атап өтеді. Конституция күні жыл сайын 30 тамызда тойланады.
2025 жылы Конституция күніне орай қазақстандықтар қалай демалады?
Бес күндік жұмыс аптасындағылар үшін:
Аптасына бес күн жұмыс істейтіндер Конституция күні қосымша бір күн демалады. 2025 жылы 30 тамыз сенбіге түсіп тұр, сондықтан "Мерекелер туралы" заңға сәйкес, демалыс күні 1 қыркүйек дүйсенбіге ауыстырылады.
Осылайша, аптасына бес күн жұмыс істейтіндерге тамызда 10 демалыс күні болады. Демалыс күндерінің кестесі мынадай:
-
30, 31 тамыз және 1 қыркүйек – демалыс күндері.
Алты күндік жұмыс аптасындағылар үшін:
Алты күн жұмыс істейтіндер де 30 тамызда қосымша демалады. Демалыс кестесі:
-
30 және 31 тамыз – демалыс,
-
1 қыркүйек – жұмыс күні.
Алты күндік кестемен жұмыс істейтіндер тамызда 6 күн демалады.
Конституция күнін қалай атап өтеді?
Бұл күні елімізде түрлі салтанатты шаралар, концерттер мен көрмелер өтеді. Қазақстан тарихы мен мәдениетіне арналған іс-шараларға халық белсенді қатысады. Сонымен қатар флешмобтар мен акциялар ұйымдастырылады. Тамыздағы қосымша демалыс күндері – отбасымен уақыт өткізуге, мәдени іс-шараларға қатысуға және мерекенің атмосферасын сезінуге тамаша мүмкіндік.
Тамыз айындағы басқа да маңызды күндер:
-
3 тамыз (тамыздың алғашқы жексенбісі) – Көлік қызметкерлері күні
-
10 тамыз – Абай күні
-
10 тамыз (тамыздың екінші жексенбісі) – Құрылысшылар күні
-
18 тамыз – Шекара қызметкерлері күні
-
18 тамыз – Спорт күні
-
29 тамыз – Семей ядролық сынақ полигонының жабылу күні
-
31 тамыз (тамыздың соңғы жексенбісі) – Кеншілер күні