Бүгін елде тамыз ҰБТ-сы басталды, ол 10-14 тамыз аралығында өтеді, – деп хабарлайды aqshamnews.kz тілшісі.
Тестілеуге 30 мыңнан аса түлек қатыспақшы. Бірінші күні 6,7 мыңнан астам адам ҰБТ тапсырады.
ҰБТ-ға қатысушылардың 65%-ы қазақ тілінде, 35%-ы орыс тілінде тестілеуден өтеді. Тағы 100 адам ағылшын тілін таңдаған.
Тамыз ҰБТ-на кім қатыса алады?
биылғы және өткен жылдардағы мектеп пен колледж түлектері
қандастар (Қазақстан Республикасының азаматтары болып табылмайтын қазақ ұлтының өкілдері)
шетелде орта білім алған түлектер
шығармашылық білім беру бағдарламаларынан басқа даярлау бағыттарына ауысқысы келетін студенттер
басқа білім беру бағдарламаларынан педагогикалық бағыттарға ауысқысы келетін студенттер
өткен оқу жылында шекті балл жинамаған және ақылы негізде жоғары оқу орындарына қабылданған тұлғалар қатысады.
Ал колледж бітіріп, кейін сол мамандығы бойынша әрі қарай жоғары оқу орнында ақылы негізде оқығысы келетін түлектер де әңгімелесу нәтижелері бойынша оқуға түсе алады. Қабылдауды жоғары оқу орындарының қабылдау комиссиялары арқылы өтеді.