Жетісу облысы әкімінің қолдауымен, Облыстық мәдениет, архивтер және құжаттама басқармасы, Б.Римова атындағы академиялық театрының ұйымдастыруымен 25-29 мамыр күндері Қазақстанның Халық артисі, Мемлекеттік сыйлықтың иегері Бикен Римова атындағы «BIKEN FEST» IV Халықаралық театр фестивалі өтеді, – деп хабарлайды aqshamnews.kz тілшісі.
Фестивальдің мақсаты – театр ұжымдары арасындағы шығармашылық байланысты нығайтып, отандық өнерді әлемдік театр кеңістігіне таныту, сондай-ақ қазақ өнерінің көрнекті тұлғасы Бикен Римованың рухани мұрасын дәріптеп, есімін ұлықтау. Сонымен қатар фестиваль аясында шығармашылық ұжымдар арасында кәсіби тәжірибе алмасу алаңы қалыптастырылып, жас режиссерлер, актерлер, драматургтер мен суретшілердің жаңа буынын анықтап, оларды қолдауға басымдық беріледі.
Фестиваль қатысушылары:
Painted bird театры, Түркия
Илья Чавчавадзе атындағы Батуми мемлекеттікдрама театры, Грузия
Қашқадария облыстық музыкалық драма театры, Өзбекстан
Нұрмұхан Жантөрин атындағы Маңғыстауоблыстық музыкалық драма театры, Ақтау қаласы
Түркістан музыкалық драма театры, Түркістанқаласы
Шығыс Қазақстан облыстық драма және оперетта театры, Өскемен қаласы
Мемлекеттік академиялық қуыршақ театры, Алматы қаласы
Астана қаласы әкімдігінің Жастар театры , Астана қаласы