Алматыда жолаушылар автобусы жол-көлік оқиғасына тап болды. Куәгерлердің оқиға орнында түсірген видеосы желіде жарияланды, деп хабарлайды аlmaty-akshamy.kz.
Әлеуметтік желіде тараған видеоға қарағанда Алматының Шаляпин және Әшімов көшесі қиылысы тұсында болғаны хабарланды. Жол-көлік оқиғасы туралы Алматы қалалық полиция департаментінің өкілдері түсінік берді.
"Бұл жол-көлік оқиғасы Наурызбай ауданында сағат 09:15-те болған. Жүк көлігінің жүргізушісі Әшімов көшесінің бойымен солтүстік бағытта келе жатып, аялдамада тұрған автобусқа соғылған", - делінген хабарламада.
Автобус жүргізушісі рөлді басқара алмай, жолдың жиегіне шығып кеткен. Кейбір ақпарат көздері 11 адам зардап шеккенін жазуда, Қаза тапқандар жоқ.
Еске сала кетейік, бұған дейін Алматыдағы автобус апатынан бір адам қаза тапқаны туралы жазған болатынбыз.