Freedom Telecom компаниясы Қазақстанның 12 облысында жалпы ұзындығы 30 мың км болатын кең оптикалық желіні нөлден бастап салуды көздеп отыр. Бұл туралы аталмыш компанияның ресми өкілі Максим Оларь LS басылымына айтқан, деп хабарлайды аlmaty-akshamy.kz.
Оның сөзіне сенсек, компания осы жылдың қыркүйегінде бірнеше қалаларда аздаған үй шаруашылықтары үшін үй интернетін іске қосу жоспарлап отыр. Пилоттық режимде бұл қызмет Алматы облысының Алатау қаласынан басталады. Сонымен қатар, жоспарда барлық өңірлерде тіркелген байланыс операторларының қызметтерін жаппай іске қосу бар.
-Біз қолданыстағы операторлар өз ұсыныстарында майда шрифтпен сипаттайтын сыртқы факторларға қарамастан, жарияланған Интернет жылдамдығына кепілдік бере алатынымызды түсінеміз - деді Максим Оларь.
Бұған дейін холдинг басшысы Тимур Турлов Қазақстанда ұялы байланыс операторын құруды жоспарлаған болатын. Алайда кейінірек компания өз жоспарын өзгертіп, бекітілген желіге қарай бет бұрды.