Алматыда көшеде әйелді тағы бір ұрып-соғу оқиғасы видеоға түсіп қалды.
Видео әлеуметтік желілерде тарады. Тараған видеода ер адамның алдымен әйелді теуіп, артынша шапалақпен тартып жібергені көрінеді, деп хабарлайды аlmaty-akshamy.kz.
Бейнежазбаға адамдар арасында қандай кикілжің болғаны, олардың кім екені белгісіз.
Алматы қалалық ІІД баспасөз қызметі "Бұзақылық" бабы бойынша қылмыстық іс қозғағанын хабарлады.
"Қазір видеодағы адамдардың жеке басы мен оқиғаның мән-жайы анықталуда. Кінәлі адам жауапкершілікке тартылады", - деп хабарлады Алматы полиция департаменті.