Қазақстанның батысы мен оңтүстігінде 16 қазанда жаңбыр, кей жерлерде тіпті қар күтіледі.
Елдің қалған өңірлерінде күн райы негізінен жауын-шашынсыз болады, - деп хабарлайды Aqshamnews.kz.
«Қазгидромет» мәліметінше, республика бойынша жел күшейіп, түнде және таңертең тұман түседі. Оңтүстікте — шаңды дауыл болуы мүмкін. Батыс өңірлерде түнгі ауа температурасы –5°C дейін төмендейді. Солтүстік, орталық және шығыс аймақтарда түнде 0…–13°C, ал оңтүстікте 0…+13°C аралығында болады.
Мегаполистердегі ауа райы:
- Астана: күндіз +7…9°C, түнде –2…–4°C. Желдің жылдамдығы - 9–14 м/с.
- Алматы: күндіз +14…16°C, түнде +6…8°C. Желдің жылдамдығы - 3–8 м/с.
- Шымкент: күндіз +25…27°C, түнде +10…12°C. Желдің жылдамдығы - 8–13 м/с.
