Қазақстанда салқындатылған сусындар мен шырындардың бағасы жылдық динамикада 11,7%-ға өсті, деп хабарлайды aqshamnews.kz.
Минералды және ауыз су 14,4%-ға қымбаттаса, салқындатылған сусындар — 11,6%, шырындар — 10,8% қымбаттаған.
Тауар түрлері бойынша нақтырақ қарасақ, минералды су 14,7 пайызға, ауыз су 13,6 пайызға, газды сусындар 11,9%-ға, газсыз сусындар 10%-ға өскенін көруге болады.
Өңірлер бойынша ең көп баға өскені Солтүстік Қазақстан облысында байқалды: бір жылда 17,4%-ға. Үштіктегі «антилидерлер» қатарында Қарағанды (16,8%), Батыс Қазақстан (15,3%), Маңғыстау (13,7%) және Алматы облыстары (13,5%) бар.
Бағаның ең аз өсуі Ұлытау облысында байқалды: тек 5,7%.