"Титаник" кемесінің жолаушысы Исидор Штраустың алтыннан жасалған қалта сағаты Девайзес қаласындағы Henry Aldridge & Son аукционында сатылды, - деп хабарлайды aqshamnews.kz тілшісі.
Сағат 1,78 миллион фунтқа (1,1 млрд теңге) сатылған.
Басылымның мәліметінше, бұл - кеме апатына қатысты зат үшін төленген ең жоғары баға. Бұған дейінгі рекорд былтыр сатылған сағатқа тиесілді еді.
18 караттық Jules Jurgensen сағаты 1912 жылы сәуірде кеме батқан кезде қаза тапқан жолаушысы Исидор Штраусқа тиесілі болған. "Титаник" фильмінде Штраус пен оның әйелі Ида бір-бірінен айрылмаған жұп ретінде көрсетіледі.
