Алматы қаласының қылмыстық істер жөніндегі мамандандырылған ауданаралық сотының судьясы Бақытжан Бәкірбаев сот отырысында саусағымен тор іспетті ым көрсеткен, деп хабарайды aqshamnews.kz
Желіде тараған видеодағы сот отырысында бір тарап сөз сөйлеп жатқан. Сол сәтте біреуге қараған судья басын шайқап, саусағымен тор іспетті ым көрсеткен.
Ал мылқау адамдардың тілінде бұл «темір тор», яғни, түрме дегенді білдіреді. Дегенмен, желідегі халық «судья бәлкім хэштег көрсеткісі келген шығар» деген пікір қалдырып жатыр.
Алматының соты бұл мәселеге қатысты әзірге комментарий берген жоқ.