ҚР Еңбек және халықты әлеуметтік қорғау министрі Серік Шәпкенов бейінді үкіметтік емес ұйымдардың өкілдерімен онлайн кездесу өткізіп, оның барысында әлеуметтік-еңбек саласында жүргізіліп жатқан жұмыс және басым міндеттер туралы баяндауды жоспарлап отыр деп хабарлайды almaty-akshamy.kz
Кездесу 19 қараша күні сағат 17.00-ге жоспарланған. Шара «Қоғам мен мемлекеттің орнықты дамуы жолындағы серіктестіктің 30 жылы» тақырыбына арналған Қазақстанның Х Азаматтық форумы аясында өтеді.
Бейіндік ҮЕҰ өкілдері жоғарыда көрсетілген кездесуге қатысу үшін тіркеуден өтуі қажет. Ол үшін өз деректеріңізді (толық аты-жөні, ҮЕҰ атауы, ұялы телефон, WhatsApp нөмірі) ағымдағы жылдың 18 қарашасына дейін келесі мекен-жайдағы электрондық поштаға жіберу керек: n.zhansarinova@enbek.gov.kz.
Тіркеуден өткендер шараға қатысу үшін ZOOM-ға сілтеме алады.