Ресей мен Әзірбайжан коронавирустық мәселелер бойынша ынтымақтастықты белсенді дамытуда.
Әзірбайжанда коронавирусқа қарсы ресейлік «Спутник V» вакцинасын шығару мүмкіндігі пысықталуда, деп хабарлайды Almaty-akshamy.kz Іnterfax.az сайтына сілтеме жасап.
«2021 жылы Әзірбайжан тарапының өтініші бойынша ресейлік «Спутник V» вакцинасының 220 мың дозасы жеткізілді. Қосымша 80 мың доза жеткізу жоспарлануда. Жаңа өтінімдер түспеген. Республикада вакцина өндірісін ұйымдастыру пысықталуда», - деп хабарлады Кремльдің баспасөз қызметі.
Ресей мен Әзірбайжан коронавирустық мәселелер бойынша ынтымақтастықты белсенді дамытуда. 2020 жылдың көктемінде Әзірбайжанға «Вектор» тест-жүйелерінің 120 жиынтығы берілді.