Республика күні «Human Rights Lawyers» қоғамдық қоры Алматы қаласы бойынша Қылмыстық-атқару жүйесі департаментіне қарасты №11 мекемесіне арнайы келіп, кәмелетке толмаған жазасын өтеуші жасөспірімдерді мерекемен құттықтады.
Мереке құрметіне ұйымдастырылған сурет байқауына қатысқан балаларға арнайы сыйлықтар тарту етілді. Оларға арнап мерекелік дастархан жайылды.
Сонымен қатар, қоғамдық қор демеушілерінің, волонтерлардың қолдауымен жазасын өтеуші жасөпірімдерге психологиялық кеңес берілді.
– Аталған іс-шара «One Stop Service Бір қадам» жобасы шеңберінде ҚР Президенті жанындағы Әйелдер ісі және отбасылық-демографиялық саясат бойынша Ұлттық комиссиясының, Ақпарат және мәдениет министрлігі «Азаматтық бастамаларды қолдау орталығының» қолдауымен іске асырылды. Мақсат – жастардың құқығын қорғау және халық арасында құқықтық сауаттылық деңгейін арттыру, – дейді №11 мекеме бастығы әділет подполковнигі Марат Махамбетов.