Алдағы күндері нөсер жауынның арты қарға ұласып, 12 градусқа дейін аяз болады, деп хабарлайды almaty-akshamy.kz "Қазгидрометке" сілтеме жасап.
Атмосфералық фронттардың әсерінен Қазақстанның басым бөлігінде ауа райының тұрақсыз сипаты көрініс береді - 6-8 сәуірде оңтүстікте, 7-8 сәуірде оңтүстік-шығыста кей уақытта қатты жаңбыр жауады.
7 сәуірде Скандинавия аудандарынан солтүстік-батыс антициклонның ықпалымен еліміздің солтүстік-батысы мен солтүстігінде ауа температурасы күрт төмендейді.
Сондай-ақ жаңбырдың арты қарға ұласуы мүмкін. Республика бойынша жел күшейеді, оңтүстік өңірлерде тұман түседі, шаңды дауыл тұрып, найзағай ойнайды, солтүстікте, солтүстік-батыста көктайғақ болжанады. Солтүстік пен солтүстік-батыста ауа температурасы түнде 2-12 градус аяз, күндіз 5- 7 градус жылы болады.