Бұл туралы әншінің "Қазақконцерт" басшысы Жеңіс Сейдоллаұлымен кездесуінде белгілі болды.
«Славян базары-2021» халықаралық байқауының жеңімпазы Рухия Байдүкенова "Қазақконцерт" солисі атанды, деп хабарлайды Almaty-akshamy.kz
«Айқын» басылымның ақпараты бойынша, Жеңіс Сейдоллаұлы Рухияны өнер жолындағы жетістіктерімен құттықтап, жас әншінің алдағы жоспарларымен танысты.
"Қазақконцерттің" әншісі болу – бала күнгі арманым. Роза Бағланова, Жамал Омарова, Жүсіпбек Елебеков, Манарбек Ержанов сияқты есімдері ел тарихында алтын әріптермен жазылған атақты тұлғалардың ізі қалып, Сара Тыныштығұлова, Алтынбек Қоразбаев, Роза Рымбаева, Мақпал Жүнісова, Димаш Құдайберген сынды өнер жұлдыздары еңбек етіп жүрген өнер ордасының солисі болу – мен үшін үлкен мәртебе. Алдағы мақсатым – Қазақстанның мәдениетін және "Қазақконцерттің" атын әлемге таныту", – деді Рухия Байдүкенова.