Шымкентте жолдың бойында жанжал шығып, салдарынан бір адам көз жұмды. Қылмыстық іс бойынша күдіктілер ұсталды, - деп хабарлайды aqshamnews.kz тілшісі.
Шымкент Полиция департаменті мәліметінше, қылмысқа қатысы бар күдікті төрт ер адам ұсталған. Күдіктілер уақытша ұстау изоляторына қамауға алынды. Қазір жедел іздестіру шаралары жалғасып жатыр.
"20 қаңтарда 40 жастағы ер адам пышақ жарақаттарынан көз жұмды, тағы бір азамат ауруханаға жеткізілді. Бұл жайт бойынша "Адам өлтіру", "Бұзақылық" және "Адамды ұрлау" баптарымен қылмыстық іс қозғалды", - деді полиция.
Еске салайық, 20 қаңтарда Ерімбетов пен Рысқұлов көшелері қиылысында жол апатының жанжалға ұласты. Кейін оған тағы да бірнеше адам қосылған.
Әлеуметтік желіде оқиғаның видеолары тарап кетті.
