Шымкентте 11 қаңтарда 21 жастағы қыз пышақ жарақатынан көз жұмды. Бұл ақпаратты қалалық полиция растады, - деп хабарлайды aqshamnews.kz тілшісі.
Полицияның мәліметінше, кісі өліміне қатысты күдіктінің жеке басы анықталған.
"Бұл дерек бойынша полиция кісі өлтіру фактісімен қылмыстық іс қозғады. Күдіктінің жеке басы анықталды. Алдын ала мәліметтерге сәйкес, ол марқұммен бұрын таныс болған. Қазіргі уақытта оны ұстауға және қылмыстық жауапкершілікке тартуға бағытталған барлық қажетті жедел-іздестіру шаралары жүргізіліп жатыр", – делінген Шымкент қалалық полиция департаментінің хабарламасында.
Қазір тергеу амалдары жалғасып жатыр.
