Токио Олимпиадасында теннистен аралас жұптық сайыстың алғашқы кезеңі басталды. Өкінішке қарай, қазақстандық Ярослава Шведова мен Андрей Голубев жұбы қарсыластарына есе жіберді, деп хабарлайды almaty-akshamy.kz Olympic.kz сілтеме жасап.
Шведова мен Голубев бірінші айналымда жапониялық Эна Шибахара және Бен Маклаклан жұбына қарсы шыққан болатын.
Екі сетке созылған матчта қазақстандық теннисшілер 3:6, 6:7 есебімен қарсыласқа жол берді.
Айта кетелік, бүгін теннистен әйелдер арасындағы жекелей сында қазақстандық Елена Рыбакина жартылай финалға жолдама алды.