25-26 қарашада Щучинск қаласында қысқы спорт түрлері бойынша олимпиадалық даярлау орталығының базасында биатлоннан ҚР Кубогі өтеді.
Жарыста Қазақстан ұлттық құрамасының спортшылары , жасөспірімдер мен жеткіншектер командасы іріктеледі, деп хабарлайды аlmaty-akshamy.kz. Жарыс нәтижесі бойынша әлем кубогінің кезеңдері мен әлем чемпионатына және қысқы жасөспірімдер олимпиадасы сияқты ірі халықаралық старттардың қатысушылары анықталады. Биатлоннан ҚР Кубогінде Абай, Ақмола, Алматы, Шығыс Қазақстан, Қарағанды, Павлодар, Солтүстік Қазақстан облыстарының өкілдері өнер көрсетеді. Еліміздің ең мықты спортшылары - ірі халықаралық жарыстардың жеңімпаздары мен жүлдегерлері де бақ сынайды.