ШҚО ескекшісі Азия чемпионатында үш бірдей медаль жеңіп алды, – деп хабарлайды aqshamnews.kz тілшісі Altainews.kz -ке сілтеме жасап.
3-7 маусым аралығында өткен құрлық біріншілігі Қазақстан тарихында алғаш рет ұйымдастырылды. Азияның 16 елінен келген үздік спортшылар бақ сынаған жарыста Шығыс Қазақстан облысының өкілі Сұлтан Шарапиев Қазақстан ұлттық құрамасы сапында өнер көрсетіп, жоғары нәтиже көрсетті.
Жерлесіміз С-1 200 метр қашықтықтағы жекелей сында жүлдегер атанды. Сонымен қатар С-2 500 метр аралас жұптық бағдарламада Түркістан облысының спортшысы Ульяна Киселевамен бірге медаль жеңіп алды. Ал С-4 500 метр қашықтықта Астана қаласынан Юрий Горбов, Алматы облысынан Владислав Руденко және Түркістан облысынан Полат Төребековпен бірге өнер көрсеткен экипаж құрамында тағы бір жүлдеге қол жеткізді.