Оған арнайы бағдарлама орнатылады.
Елімізде шегірткеге қарсы күресу үшін дрондар сатып алынады, деп хабарлайды Almaty-akshamy.kz
Бұл туралы премьер-министрдің орынбасары Серік Жұманғарин айтты. Оның пікірінше, келесі жылы шегірткенің таралу аймағы азаяды.
«2025 жылы Қазақстанда шегірткенің таралу аумағы азаяды деп үміттенемін. Енді олардың таралу аймағы 2,5 млн гектар емес, одан да аз болады. Осыған күш салып жатырмыз. Тиісті жабдықтарды сатып аламыз. 2025 жылдың бюджетінде (сатып алынатын) 100-ге жуық дрон ескеріледі. Осы техниканың жердегі шегірткені анықтайтын арнайы бағдарламасы болады. Осы арқылы зиянкестерді нақты анықтап, оларды жоямыз.Ақтөбе облысында дронның қалай жұмыс істейтіні көрсетілді. Осы деректен дронның тиімді жұмысын байқауға болады», - деді Серік Жұманғарин.