Биыл Шанхай халықаралық кинофестивалі 26-рет өтті. Кинофестивальдің негізгі конкурсында Қазақстан тарапынан бақ сынаған режиссер Данияр Саламаттың «Талақ» фильмі үздік фильм атанды, деп хабарлайды Almaty-akshamy.kz.
Бейімбет Майлиннің шығармалары желісімен түсірілген кинотуынды толықметражды фильм номинациясының “Алтын кубогын” иеленді. Бұл додада режиссердің фильмі әлемнің үздік 14 фильмінен озып шыққан. Шанхай фестивалі “А” класына жататын он фестивальдің бірі. “Талақтың” басты рөлін Ерболат Әлқожа сомдаған.
Ал Амира Омарова “Ең үздік әйел рөлі” номинациясын жеңіп алған.