Жобада 3 жол өтпесі мен 20 су өткізу құбырының құрылысы қарастырылған
Мердігер ұйым Шамалған бекетінің айналма жолы нысанында құрылыс-монтаждау жұмыстарын қарқынды жүргізуде, деп хабарлайды Almaty-akshamy.kz.
Бүгінде теміржолдар мен жергілікті автожолдардың үстінен өтетінкөпірлердің құрылысы жалғасуда. Құрылыс жұмыстарына 55 бірлік арнайы техника мен 250-ге жуық адам жұмылдырылды. Жер төсемі жұмыстары 80% - ға аяқталып, 140 дана арқалық құралымдық бөлшектер орнатылды (барлығы 174 дана).
Жобада 3 жол өтпесі (көпірлер) мен 20 су өткізу құбырының құрылысы қарастырылған. Бүгінгі таңда көпірлердің құрылысы 79% - ға, ал су өткізу құбырлары 85% - ға аяқталды. Темірбетон бұйымдары мен инертті материалдарды дайындау жұмыстары жалғасып жатыр.
Бұдан басқа, "ҚазАвтоЖол" ҰК " АҚ Алматы облысының әкімдігімен бірлесіп құрылысқа қажет жер учаскелерін қолданысқа алу бойынша жұмыстарды жалғастыруда.