Газ жарылып 5 жұмысшы қаза тапқанын бұрын хабарлағанбыз.
Қарағанды облысының әкімдігі Шахтинскіде қаза тапқан кеншілердің тізімін жариялады, деп хабарлайды Almaty-akshamy.kz
Қайтыс болғандар:
- Бойченко Дмитрий Игоревич, 1991 жылы туған, жерасты бұрғылау қондырғысының машинисі. Еңбек өтілі – 8 жыл. Марқұмның артында анасы қалды.
- Санжаров Андрей Павлович, 1980 жылы туған, жерасты бұрғылау қондырғысының машинисі. Еңбек өтілі – 21 жыл. Марқұмның ата-анасы мен екі баласы қалды.
- Денис Анатольевич Инкин, 1984 жылы туған, жерасты бұрғылау қондырғысының машинисі. Әкесі, әйелі, қызы және қамқорлығында тағы бір туысы болған.
- Қашкей Арман Қадіржанұлы, 1993 жылы туған, жерасты бұрғылау қондырғысының машинисі. Еңбек өтілі – 8 жыл. Марқұмның артында ата-анасы қалды.
- Ынтыбеков Марғұлан Серікұлы, 1996 жылы туған, бұрғылау қондырғысы операторының көмекшісі. Жұмыс тәжірибесі – 2 ай. Марғұлан Серікұлының артында әкесі қалды.
«Арселор Миттал Теміртау» АҚ-ның Ленин атындағы шахтасында газ дренаждық ұңғымаларды бұрғылау кезінде кенеттен газ жарылып, 5 жұмысшы қаза тапты. Қылмыстық кодекстің 277-бабының 3-бөлігі «Тау-кен жұмыстарын немесе құрылыс жұмыстарын жүргізу кезінде қауіпсіздік ережелерін бұзу» бойынша қылмыстық іс қозғалды.