Шахмат ойындарының уақытын бақылау мәселесі ойынның танымалдылығының артуымен барған сайын маңызды бола түсті. XIX ғасырдың ортасына дейін шахмат партиялары уақытпен шектелмегендіктен, ойындар сағаттап, тіпті тәуліктеп созылатын. 1843 жылы 66 жүріс жасаған бір партия 14,5 сағатқа созылған. Ал 1851 жылы Лондонда өткен алғашқы халықаралық матчта бір партия барысында екі қарсылас та ұйықтап қалған, деп хабарлайды aqshamnews.kz.
Уақытты бақылау үшін бірнеше әрекеттер жасалды. Ойыншылардың жалпы уақытын 3 сағатпен шектеу, әрбір жүріске 10 минут беру және оны асып кеткен жағдайда айыппұл салу ұсынылды. Бастапқыда уақытты бақылау үшін құмсағаттар қолданылды, ал ойыншыларда көмекшілер болды.
XIX ғасырдың соңында шахматшы әуесқой Томас Брайт Уилсон алғашқы шахмат сағатын жасады. Бұл маятникті механизм еді: екі бірдей сағат рельске бекітілген. Уақытты қарсыласқа беру үшін ойыншы өз сағатын еңкейтуі керек болатын, сол кезде оның сағаты тоқтап, қарсыласының сағаты жұмыс істей бастайтын.
Қызығы, бұл өнертабысқа өнеркәсіптік өндіріс бойынша патентті Amandus Schierwater алған, және 1886 жылы сағаттар сатылымға шығарылды.
1899 жылы циферблатта қызыл түсті "жалау" пайда болды, ол соңғы 3-10 минутты көрсетіп тұрды. Ал 1900 жылы түймелі сағаттар жасалды, олар классикалық түрге айналды. Кейін электр қуатының пайда болуымен сағаттар жетілдірілді, бірақ олардың негізі әлі күнге дейін Томас Уилсонның классикасына сүйенеді.