Сары құрлық біріншілігінде Эльмир Әлімжанов, Вадим Шарлаимов, Еңлік Сертай, Руслан Құрбанов үздік нәтиже көрсетті, деп хабарлайды аlmaty-akshamy.kz.
Туризм және спорт министрі Ермек Маржықпаев Азия чемпионатында топ жарған семсерлесушілерді жеңісімен құттықтады.
«Спортшыларымыз әлемдік аренада ел намысын абыроймен қорғап, өз мықтылықтарын дәлелдегеніне қуаныштымын. Әрине, жерлестерімізге Азия біріншілігінде топ жару оңайға соқпағаны белгілі. Дегенмен, жоғары деңгейдегі дайындықтың, жеңіске деген жігердің арқасында қарсыластарынан 40:34 есебімен айласын асырды. Алдағы бәсекелерде де сәтті өнер көрсетіп, жеңіс тұғырынан көрінулеріне тілектеспін», - деді министр.
Турнир барысында жерлестеріміз Қатар, Қырғызстан, Гонконг спортшыларынан басым түссе, финалда Олимпиада чемпионы Жапония құрамасын тізе бүктірді.