Екіжақты қатынастарды одан әрі дамытуға бейілділігі атап өтілді.
АҚШ Конгресінде Семей ядролық сынақ полигоны жабылуының 30 жылдығына орай №616 қарарды енгізіп тіркеді, деп хабарлайды Almaty-akshamy.kz.
«Құжатта Қазақстанның жаппай қырып-жою қаруын таратпау жөніндегі жаһандық режимді нығайту жөніндегі дәйекті жұмысына, сондай-ақ осы жылы 30 жылдығы атап өтілетін АҚШ-пен түрлі салалардағы, соның ішінде қауіпсіздік, адам құқықтары және басқа да салалардағы екіжақты қатынастарды одан әрі дамытуға бейілділігі атап өтілді», – делінген Қазақстанның Сырқы істер министрлігінің баспасөз қызметінің хабарламасында.
Конгрессмендердің бастамасы АҚШ заң шығарушы органы мүшелерінің Қазақстанның таратпау режимін нығайтуға және жаһандық қауіпсіздікке қосқан үлесіне, оның ішінде Тұңғыш Президент – Елбасы Нұрсұлтан Назарбаевтың осы саладағы күш-жігеріне және әлемге ядролық қатерді азайту ісіндегі бірлескен жетістіктеріне назар аударатынын көрсетті.