Сауд Арабиясының солтүстігіндегі Аль-Джауф аймағының бір бөлігіне кенеттен қар жауды деп хабарлайды жергілікті Khaleej Times басылымы.
Осыдан бірнеше күн бұрын аймақтың кейбір бөліктеріне бұршақ аралас нөсер жауған болатын. Ал 2 қараша күні күзгі қар жауып, таулы аймақтарды ақ жамылғыға орады.
Қалың жауын-шашын тау басынан аққан сарқырамаларға себеп болды. Жергілікті басылымның айтуынша, мұндай құбылыс шөлді далаға пайдалы әсерін тигізіп, көктемде көздің жауын алатын дала гүлдерінің, атап айтқанда лаванда, хризантема және басқа да хош иісті өсімдіктердің гүлденуіне ықпал етуі мүмкін.
Бұл аймақтың температурасы әдетте мұншалықты төмендемейтіндіктен, қарлы көрініс жергілікті тұрғындар үшін үлкен таңданыс болды.