Сарқан ауданының аумағында полиция департаменті мен ҰҚК қызметкерлері прокуратураның үйлестіруімен бірлесіп өткізген арнайы операцияның нәтижесінде үш жергілікті тұрғын ұсталды. Оларға есірткі заттарын заңсыз айналымға түсіру бойынша күдік артылуда.
Тергеу барысында ұсталғандардың екеуі діни экстремизм идеологиясын ұстанатын тұлғалар екені белгілі болды. Олардың тұрғылықты жерлеріне жүргізілген тінту жұмыстары нәтижесінде ірі көлемде марихуана тәркіленді. Сонымен қатар, Қазақстан Республикасының аумағына әкелуге, таратуға және шығаруға заңмен тыйым салынған экстремистік мазмұндағы діни әдебиеттер табылды. Барлық табылған заттар тәркіленіп, заң бойынша тиісті шаралар қабылдануда.
Бұл операция есірткімен күрес пен діни экстремизмге қарсы күрестің бір бөлігі ретінде аймақтағы қауіпсіздікті қамтамасыз ету мақсатында жүзеге асырылды.