Адам ағзасын вирустан сақтандыру үшін сенімді қорғаныс қажет.
Қазақстандағы және әлемдегі эпидемиологиялық жағдайдың тұрақты болуына қарамастан зерттеушілер ревакциналаудан өтудің қажеттілігі туралы айтады, өйткені адам ағзасын вирустан сақтандыру үшін сенімді қорғаныс қажет, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
«Алдағы уақытта аурудың өсуі популяциядағы омикрон штамының BA.4/ВА.5 субварианттарымен таралуымен байланысты болуы мүмкін, олар алдыңғы түрлеріне қарағанда иммунитетті айналып өту қасиетіне ие. Сонымен қатар аурудың өзінен басқа, коронавирустың жаңа нұсқалары постковидті синдромның дамуына әкелуі мүмкін, бұл жылдар бойы жағымсыз белгілердің жалғасуын, тіпті мүгедек болып қалу қаупін төндіреді», - дейді Санитарлық-эпидемиологиялық бақылау комитетінің ресми өкілі Ержан Байтанаев.
Маманның айтуынша, ревакциналау елімізде ауруханаға жатқызуға қарсы тиімді және аурудың ауыр, асқынған жағдайларына қарсы 98,6% тиімді. Сонымен қатар бұл постковидті синдромнан қорғауға мүмкіндік береді.
Қазақстан Денсаулық сақтау министрлігінің ұсынымдарына сәйкес, соңғы алынған екпеден немесе ауырғаннан кейін араға жарты жыл салып, қайта вакциналауға болады.
Зерттеулер көрсеткендей, бірнеше рет жасалған вакциналаудан кейін антидене титрлері күшейе түседі, яғни COVID-19-дан қорғаныс жоғары болады.