Жат ағымдағылардың тізімі министрліктің қолында.
Туризм және спорт вице-министрі жат діни ағымдағы спортшылар барын мойындады, деп хабарлайды aqshamnews.kz
Серік Жарасбаевтың айтуынша, Мәжілістің қарауында жатқан Спорт туралы заң жобасына терроризм мен эктремизмге қарсы нормалар енгізілген.
Мәжілісте спорт мәселесі талқыланған кезде депутат Жигули Дайрабаев кейбір спортшылардың сақалының өсіп кеткенін сынға алған. Депутат дінге берілгендер мешітке барып намаз оқысын деді.
Дайрабаевтың бұл сынына Серік Жарасбаев былай деді:
«Қазіргі таңда көптеген спорт түрлерінде өзіңіз айтып отырғандай, діннің қате ағымына кетіп қалған спортшыларымыз бар, өкінішке қарай. Оны білеміз, тізімі бар. Спорт туралы заң жобасына терроризм мен эктремизмге қарсы нормаларды енгізіп отырмыз. Оны депутаттар қолдады».